Alle ha u naxariistee Ganacsade Dhalinyaro Ah Oo Goor Dhawayd Lagu Dilay Magaalada Muqdisho

0
541
Sawirka marxuumka la dilay

Muqdisho (Baraarugnews.net)- Alle ha u naxariistee dad goob joogayaal ahaa, ayaa xaqiijiyey  in rag hubeysan goor dhaw  oo galabta ah toogasho ku dileen ganacsade dhalinyaro ah oo lagu magacaabi jiray Maxamed Maxamuud Sheekh Cali [Dable Pilot] Isgoyska Banaadir ee magaalada Muqdisho.

Ninkan dhalinyarada ee la dilay ayaa la sheegay in uu ka mid ahaa ganacsade hal abuurka lahaa, isaga oo madax ka ahaa sida ay dad kala duwan inoo sheegeen shirkadda Start Up Grind oo ah Shirkad dhalinyarada ku dhiiragelisa hal abuurka ganacsiga, sidoo kalana magaalada ka aas-aasay goobaha Laundry ee lagu dhaqo dharka Suudadka ah.

Toogashada ayaa dhacday xili marxuumka gaari uu watay uu dhiganayay ilinka hore ee Baarka Spaghetti House oo ku-yaala inta u dhaxeysa Isgoosyada Banaadir iyo Digfeer.

Ciidamada dowladda Soomaaliya ayaa la sheegay in ay tageen goobta toogashadu ka dhacday, hasse ahaatee uma aysan suurtagalin ay gacanta ku dhigeen raggii dilka geystay oo markiiba goobta isaga cararay.

Xigasho Hiiraan News


Warning: A non-numeric value encountered in /homepages/8/d730742190/htdocs/clickandbuilds/BaraarugNews/wp-content/themes/Baraarug/includes/wp_booster/td_block.php on line 1009

LEAVE A REPLY

Please enter your comment!
Please enter your name here