“Dalal ayaa dagaal u galay wax aad uga yar. Ma jirto dowlad aan ku wareejineyno taako ka mid ah dhulka ay Kenya leedahay” Monica Jum

0
353

Keniya,(Baraarugnews.net)-Dowladda Kenya ayaa si cad u sheegtay in aysan Soomaaliya marnaba gacanta u galin doonin. xitaa qayb yar oo ka mid ah dhulka ay ku fadhido xuduudda badda ee ku muransan yihiin.

Wasiiradda arrimaha dibadda dalka Kenya Monica Jum, ayaa galinkii dambe ee maanta oo Khamiis ah ku dhawaaqday mowqifkeeda ku aaddan arrintan ku saabsan muranka bad ee soomaaliya, iyadoo sheegtay in tallaabadii ay Soomaaliya qaadday ay ahayd mid qallafsan.

“Ma jirto dowlad aan ku wareejineyno taako ka mid ah dhulka ay Kenya leedahay”, ayey tidhi Ambaasadoor Monica Juma.

Taariikhda iyo xogta muranka 10 sano jirsaday ee badda kenya iyo Soomaaliya

Wararka been abuurka ah ee ku gadaaman khilaafka Kenya iyo Soomaaliya

Yay u darantahay haddii uu sii xumaado xiriirka Kenya iyo Soomaaliya?

Juma ayaa sheegtay in Kenya ay wali Soomaaliya ka sugeyso jawaab faahfaahsan oo ku saabsan arrimaha ugu waaweyn ee lasoo hadal qaaday, iyadoo dhanka kalena xustay in Kenya ay aad isugu dayeyso iney “isxakameyso”, oo aysan tallaabo xad-dhaaf ah qaadin.

“Dalal ayaa dagaal u galay wax aad uga yar arrintan oo kale”, ayey tidhi Ms Juma.

Waxay dalbatay in Soomaaliya ay sharraxaad buuxda ka bixiso qodobada ay Kenya taabatay ee ku saabsan meelaha shidaalka qaniga ku ah ee la beeciyay.

Wasiiradda oo ka hadleysay shir jaraa’id oo ay warbaahinta u qabatay ayaa hoosta ka xariiqday in ay jiri karto cunaqabateyn ay ku soo rogaan Soomaaliya, taasoo ku xiran hadba sida ay noqoto jawaabta ay xukuumadda Muqdisho ka bixiso sharraxaadda laga dhowrayo.

Qeyb ka mid ah sharraxaadda ay Soomaaliya ka sugayaan ayey sheegtay in ay tahay raalli galin laga doonayo in Soomaaliya ay siiso Kenya.

Muranka culus ee u dhaxeeya Kenya iyo Soomaaliya ayaa ku saabsan afar waaxood oo ka mid ah dhulka ay badda ku fadhiso ee u dhow xadka biyaha ee kala qeybiya labada waddan.

Dhammaan afarta qeybood ee ay isku hayaan labada dal ee dariska ah ayaa qani ku ah kheyraadka saliidda.

Dacwad ku saabsan murankan ayaa hor taalla maxkamadda caalamiga ah ee caddaaladda(ICJ), taasoo laga dhowrayo iney dhageysato, ka dibna go’aan kasoo saarto.

Xidhiidhka Kenya iyo Soomaaliya ayaa meeshii ugu xumeyd gaaray Sabtidii lasoo dhaafay, ka dib markii ay Kenya amar ku bixisay in Safiirkii Soomaaliya ee Nairobi ku sugnaa uu dib ugu laabto Muqdisho, iyadoo sidoo kalena u yeeratay danjiraheedii Soomaaliya fadhiyay.

Xigasho BBC Somali


Warning: A non-numeric value encountered in /homepages/8/d730742190/htdocs/clickandbuilds/BaraarugNews/wp-content/themes/Baraarug/includes/wp_booster/td_block.php on line 1009

LEAVE A REPLY

Please enter your comment!
Please enter your name here