“Haddaad Qolaqolo Kornayl Biixi Hor-kacaaya Beelo Iyo Qabiil), Ku Faanto,  Qaranimada Diido, Qabyaalada Aad U Ciirto, Arlada Qun-yar Maad Talaabsan ?

0
457

Hargeysa, (Baraarugnews.NET)-Hadaad qolaqolo Ku faantu
hadaad qaranimada diido
qabyaalada aad u ciirto

hadaad uqastido xumaanta
hadaad kaligaa is qorato
ragbaa jira kaa qabwayne
arlada qunyar maad talaabsan ?

qalbiga xumahaad Ku hayso
inaad qarsataa wacnayde
dushaada haduu ka qiiqo
ninaba waxka qaadi maysid

qawlkaad odhanayso toosi
qalbiga kanadiifi xaasid
dadkii dhintay ee qubuuro
ladhigay qarniyaal horeeto
hadaad Ku qadhaabanayso
hadaad soo qodayso aano
hadaad nabarada qarsoomay
isleedahay dibu qorshayso
qofbaadtahay garasho liita

qoriga nabadaa ka fiican
qabsiga garashaa ka fiican
qaladka sixistaa kafiican
qalooca toosbaa kafiican
qalbiga samahaa u fiican
qasaare dantaa kafiican
qabiil qaranbaa ka fiican
danbiga qirashaa u fiican
qabriga camal baa u fiican

intaan lagaa qaban aduunka
qawlkii rabi kuu abuuray
inaad qirto baa u fiican
qumaati wixii wanaagsan
dhankaaga qabaa u fiican

haquusan adoo garaadleh
adoo qaban Kara hadaynin
wixii qalad aad arkayso
hasii qodinoo ha faafin

bulshooy diintiyo quraanka
qawlkii rabigeen ha tuurin
bulshooy qaynuunka toosan
waxgaalo qorteen ha dhaafsan
quraafaad haw dhegtaagin
naftana usamaysta qoolal
Ku qabo xadhig aan go.aynin

madaxda qarankee ladoortay
dadkana xilka guud uqaaday
nasteexo yar an u qaydo

haqaadan waxaanad muujin
haqorin hadal ruux dhibaya
hatida qarankara haboobin
illeen qalad waa dhacaaye
haquusin adigoo badhedha

waxqabad baa laga rabaaye
isqanci cidi kuuma dooran
isqabadta baa laydin yidhiye
isqala cidikuuma dooran
qoloba qolo yay Ku jeesan
intaad is qaniinsantiinbaa
cadawgu idin qoor jaraaye
gamcaa is qabsda dhamaan

quruu dunidan joogay
dhaam qalad way galeene
kuwii kusocdaa qasaaray

dhulkaa qabawgiyo ugbaadka
nimcadu qarka joogto maandhe
buuruu qubayaan macdanaha
qadhaabka iyo midhaha fiican.”

Waxa tiriyey Maansadan Abwaan OSMN MAHAMOUD SUUNIYE]


Warning: A non-numeric value encountered in /homepages/8/d730742190/htdocs/clickandbuilds/BaraarugNews/wp-content/themes/Baraarug/includes/wp_booster/td_block.php on line 1009

LEAVE A REPLY

Please enter your comment!
Please enter your name here