“Wuxuu  Rabay Innuu Ciyaartoy Noqdo Marka Uu Waynado.Saaxiibkay Ayey Iga Dileen, Aad Ayaan…”

0
325
“Wuxuu  Rabay Innuu Ciyaartoy Noqdo Marka Uu Waynado.Saaxiibkay Ayey Iga Dileen, Aad Ayaan...
“Wuxuu  Rabay Innuu Ciyaartoy Noqdo Marka Uu Waynado.Saaxiibkay Ayey Iga Dileen, Aad Ayaan..."

New-zealand(Baraarugnews.net)-Weerarkii lagu qaaday ee lagu laayey dadka Islaamka ah ee Dilkii bahalnimada ahaa  ka dhacay Masaajid ku yaala dalka New Zealand, ayaa  saamayn  ku yeelatay mid ka mid ah ardaydii ay iskuulka isla dhiganayeen mid ka mid ah dadkii lagu dilay weerarka.

Sayid Milna wuxuu ahaa 14 jir nolosha rajo badan ka qabay, balse nasiib darro ninkii weerarka geystay ayaa cimrigiisa soo gaabiyay, kadib markii uu si naxariis darro ah u toogtay, isla markaana Ardayda iskuulkii uu dhiganayay, iskuulka sare ee Cashmere , ayaa u sameeyay baroordiiq balaadhan.

Waxaa dadka saamaynta shaqsiga ay ku yeelatay ka mid ah saaxiibkii rumaad ee Sayid oo lagu magacaabo Kayden, BBC-da ayuu uga waramay wuxuu dareemay “Aroornimadii, warka ayaa lasoo xaqiijiyay, aad ayaan uga hanfariiray, waa wax aad u xun, saaxiibkay ayay iga dileen”.

Weerarka Christchurch : Qaadashada hubka ee shacabka oo wax laga badelayo

Toogashadii Christchurch: Erdogan oo soo bandhigay muuqaalladii weerarka

Qofkii ugu horreeyey ee ku dhintay weerarkii New Zealand oo la shaaciyey

Mar uu Kayden ka hadlay shaqsiyaddii Sayid ayuu yiri “Dad badan ayaa yaqiinay, waana la wada jeclaa, waana arrin murugo leh in bulshada dhibaatada intaas la’eg loo geysto, wax kasta waxa ay hadda iila muuqdaan meel maran, waxaanse rajaynayaa in aan kasoo kabsano”.

Si looga hortago saamaynta maskaxadeed ee carruurta ay ka dhaxlaan dhacdooyinka muruga leh sida tan oo kale ah , ayuu maamulka iskuulka waxa ay keeneen dhaqaatiir ku taqasusay cilmi nafsiga oo tiiraanyo bixin u sameeya ardayda.

Kumuu ahaa Sayid Milne ?

Sayid Milne wuxuu rabay in uu ciyaartoy noqdo marka uu waynaado.

Jimcihii wuxuu ku sugnaa masaajidka Al Nuur isaga oo ay weheliso hooyadii. Sida uu aabihii u sheegay warbaahinta New Zealand. “Si rasmi ah la iiguma soo sheegin in uu dhintay, balse wuu geeriyooday, sababtoo ah waa la arkay.”

“Waxaan ku xasuustaa inuu ahaa ilmahaygii qarka u fuulay in aan waayo markii uu dhashay. geesi yar ayuu ahaa, waa arrin aad u adag in aad aragto isaga oo u dhintay rasaas uu furay qof aan waxba dan kalahayn, cidnana u aaboyeelayn.

“Waan ogahay meesha uu jooga, waan ogahay oo ammaan buu haystaa.”

Mark Wilson oo maamule ka ah iskuulka sare ee Cashmere ayaa warbaahinta Newshub u sheegay in Sayyad “uu ahaa canug wanaagsan oo indhahiisu naxriis leeyihiin, isla markaasna qalbi fiican oo muusood qurux badan”.

Xigasho bbc


Warning: A non-numeric value encountered in /homepages/8/d730742190/htdocs/clickandbuilds/BaraarugNews/wp-content/themes/Baraarug/includes/wp_booster/td_block.php on line 1009

LEAVE A REPLY

Please enter your comment!
Please enter your name here